Wala sang napatay nga Pilipino matapos ang nagluntad nga flash flood sa Nepal-Tibet Border, kahapon nga adlaw, Agosto 26.
Ini ang ginkumpirma ni Palace Press Officer Undersecretary Claire Castro subong nga Agosto 27 base sa pinakaulihi nga data sang Department of Foreign Affairs.
Suno sa iya, padayun nga nagapakig-angot ang Pilipinas sa Nepalese authorities kag sa Filipino community sa nasambit nga lugar may kaangtanan sa trahedya.
Nahibaluan nga masobra 160 na ka mga indibdiwal ang nasapwan nga patay, samtang masobra 500 pa ang padayun nga ginpangita sang mga awtoridad.
Nagapang-engganyo man si Castro sa publiko nga maghalad sang pangamuyo sa natabo nga insidente sa pungsod sang Nepal.
