BUENAVISTA, GUIMARAS – Patay ang isa ka casual employee sang Buenavista, Guimaras matapos nakuryente samtang nagapatigayon sang clearing operation sa Brgy. Sto. Rosario, Buenavista, Guimaras.
Sa interview sang Bombo Radyo kay Police Major Ahlie Estember, hepe sang Buenavista Municipal Police Station, iya ginpahayag nga ang biktima amo si Arly Gopetio Maro, 31, sang Brgy. New Poblacion, Buenavista, Guimaras.
Suno kay Estember, nagatapas sang sanga sang kahoy ang biktima sang iya natapakan ang live wire.
Ginpahayag ni Estember nga gilayon nga gindala sa hospital ang biktima apang gindeklarar nga dead on arrival.
