ILOILO CITY – Nagsaka sa 10 ang ginbawi-an sang kabuhi bangud sa Coronavirus Disease 2019 (COVID-19) sa Western Visayas.
Ini matapos nga nagdugang sa casualty ang Patient no.7 nga amo ang 40 anyos nga lalaki sa Bacolod City.
Sa pihak sini, nagapabilin sa 72 ang COVID-19 case samtang nagsaka sa 29 ang naka recover.
Suno kay Dr. May Ann Sta. Lucia, pinuno sang Health Promotions Cluster kag COVID-19 spokesperson sang Department of Health 6, ang duha ka pasyente nga nagdugang sa mga naka recover amo ang Patient no. 46 nga amo ang 24 anyos nga lalaki sa Tigbauan, Iloilo kag ang Patient no. 48 nga amo ang 77 anyos nga babayi sa Jaro, Iloilo City.
Sa laboratory result nga ginpaguwa sang Western Visayas Medical Center as of May 4, lunsay nagnegatibo ang 348 ka specimen kun sa diin 3 diri ang ginpaidalom sa repeat testing.
Kun pahat-pahaton, may yara na sang anum ka kaso sa Aklan, 13 sa Antique, lima sa Capiz, isa sa Guimaras, 20 sa probinsya sang Iloilo, apat sa Negros Occidental, siyam sa Bacolod City kag 14 sa syudad sang Iloilo.
May kaangtanan naman sa repatriates:
Sa Aklan
37 ang ginpaidalom sa RT-PCR test kag lunsay pending
Sa Antique
10 ang ginpaidalom sa RT-PCR test kag lunsay pending
Sa Capiz
12 ang ginpaidalom sa RT-PCR test kag lunsay pending
Guimaras
4 ang pending sa RT-PCR test kag isa ang nagpositibo
Sa Iloilo
83 ang ginpaidalom sa RT-PCR test kag lunsay pending
Sa Iloilo City
35 ang ginpaidalom sa RT-PCR test kag 4 ang nagpositibo
Sa Negros Occidental
28 ang ginpaidalom sa RT-PCR test kag lunsay pending
Sa Bacolod City
28 ang ginpaidalom sa RT-PCR test kag lunsay pending
