SARA, ILOILO – Napun-an sang tensyon ang caucus sang grupo nanday Ret. Major General Jon Aying nga nagakandidato sa pagka alkalde sang Sara, Iloilo.
Ini matapos ang pagresponde sang Sara PNP kag Philippine Army sa Brgy. Ardemil bangud sa ginapahayag pagpasirado ni Barangay Kagawad Evelyn “Belen” Peñaflor sa gymnasium kun sa diin kun tani hiwaton ang caucus sang grupo ni Aying.
Sa interview sang Bombo Radyo kay Police Captain Asencion Ortizo, hepe sang Sara Municipal Po lice Station, iya ginpahayag nga gilayon sila nga nagresponde sa nasambit nga lugar matapos nga makabaton sang impormasyon nga wala ginpahanugutan sang Brgy. Kagawad nga madayon ang caucus.
Santo sa pagkahibalo ni Ortizo, nagpangayo sang permit si Aying apang wala ini gin-aktuhan sang Barangay Council.
Santo sa pagsulundan sang Commission on Elections (COMELEC), kun indi maaktuhan sang Barangay Council ang permit application sa sulod sang tatlo ka adlaw, ini ang makabig nga ‘deemed as approved’ ukon automatic nga may pahanugot na ang isa ka pulitiko ukon partido nga makapatigayon sang political activities.
