ILOILO CITY– Ginkakibot sang cause oriented group ang nangin pahayag ni Presidente Rodrigo Duterte sa mga ginapahayag leftist kag iban pa nga nagapasaway sa sini nga tion sang enhanced communtity quarantine bangud sa coronavirus disease 2019.
Sa interview sang Bombo Radyo kay Elmer Forro, Secretary General sang Bayan Panay, iya ginpahayag nga ginkakibot naila ang pahayat sang presidente, bangud ang ila ginalauman nga sabton sang pinuno sang pungsod ang reklamo sang mga pumuluyo tuhoy gutom bangud sa krisis.
Suno kay Forro, indi kinahanglan pahugon ang mga pumuluyo nga ginagutom, bangud luyag lang sang mga ini nga tumanon sang gobyerno ang ila ginsaad nga indi pagpabay-an ang pumuluyong Pilipinhon.
Pahayag pa niya, bulig sa pagkaon ang kinahanglan sang mga pumuluyo kag indi presohan, bangud ang pagkaon ang mahkahatag sang kusog kag kabaskog sa lawas sang isa ka tawo agud mabatuan ang makahalalit nga virus.
Dugang pa sang natungdan, dapat protektahan sang gobyerno ang mga medical health workers kag himuon nga ihemplo ang mga alkalde nga nagahimo sang ila tagsa ka katungdanan.
