MANILA–Nagpaandam si Taguig Pateros Representative Alan Peter Cayetano nga iya iduso ang pagpanubo sang termino sang mga senador sa tatlo ka tuig.
Ini agud pamatud-an nga ang mga elected officials nga may tatlo ka tuig nga termino kaangay sang kongresista ang indi makahimo sang madamo sa amo kanubo nga panahon sa ila posisyon.
Suno kay Cayetano, isa ka tuig ang pinaka malawig nga mahatag nga serbisyo sang isa ka opisyal nga may 3 year term bangud ang masunod nga duha ka tuig ang makafocus na sa eleksyon.
Ginhatagan man atensyon ni Cayetano ang importansiya sang tanan nga myembro sang kongreso nga nagaugyon sa pagtrabaho agud nga matigayon ang ila mga katungdanan sa pihak sang tatlo ka tuig lang nga pagpungko sa posisyon.
Si Cayetano ang ginpangalanan ni Presidente Rodrigo Duterte nga iya mangin kandidato sa pagka House Speaker sa pagbukas sang 18th congress sa Hulyo 22.
