Namwersa si Senate President Alan Peter Cayetano sang ginpamangkot siya kun ginakonsiderar sini nga pagpang-atake ang natabo sa Senado sang Myerkules sang gab-i bisan nga nag-ako man ini nga ang personnel sang Senate security man ang una nga nagpalupok.
Samtang yara sa rostrum, nagtaas ang tingog ni Cayetano kag ginbalik ang pamangkot nga kun sudlon abi ang balay kag may mangtaya sang pusil gani nga may nag-warning shot, indi ayhan ini makabig nga pagpang-atake.
Wala na dapat sang kwestyon suno sa iya sa amo nga atake sa Senado, kag nabutang pa gani sa peligro pati ang kabuhi sang media.
“Kung tututukan kita ng baril, papasukin ko ang bahay mo na may baril ako, nag warning shot ka, pinutukan kita, pabalik, is it not an attack?” suno sa Senate leader.
“Sorry ha, but I don’t think there is any question, the Senate is under attack. Was under attack,” dugang sini matapos ginhampak ang podium.
“All of you – your lives were in danger last night. I know it’s your job to ask a question, but you will tell me kapag may nagpaputok, hindi under attack ‘yun? My god, we’re a democracy. This is the Senate of the Philippines,” dugang sini.
Ini nga pahayag ang kasunod sang inisyal nga imbestigasyon sang Department of the Interior and Local Government (DILG) nga 32 ka mga lupok ang nabatian sang amo nga gab-i.
27 diri ang halin sa personnel sang Office of the Senate Sergeant-At-Arms (OSAA).
Ginapahayag nga nag-warning shot ang OSAA, nagbalos ang armado nga grupo rason nga may tatlo ka minutos nga balusay sang lukpanay.
Ginbali man ni Cayetano ang mga akusasyon nga naga-drama-drama lang sila sa Senado. Paathag sini, may caucus sila kag nagahulat sa Articles of Impeachment sang amo nga gab-i.
Nagdepensa man ini nga sa iya karera sa pulitika halin sang 1992, wala pa siya sang record nga nag-orchestrate sang amo sini nga hitabo.
“Pero nag-caucus kami dito. Hinihintay ang Articles of Impeachment… Napakagaling ko naman mag-orchestrate nang lahat ng yan. Kaya ko papuntahin dito mga armadong grupo,” sarkastiko sini nga pahayag.
Una na nga ginkumpirma sang Senate President nga nakaguwa na si Dela Rosa sa Senate Building 2:34 kahapon sang kaagahon.#
