Ginbalabagan ni Senate Minority Leader Alan Peter Cayetano ang desisyon sang prosecution panel nga i-atras nila ang tatlo ka mga articles of impeachment batok kay Vice President Sara Duterte apisar nga napresentar na nila ang ila nga mga ebidensya kag testigo.
Suno kay Cayetano, indi dapat pagdali-on ang hearing agud masiguro nga mangin patas ang proseso.
Pahayag pa ni Cayetano, wala sang ginatalana nga limitasyon sa Konstitusyon kun daw ano kalawig dapat himuon ang impeachment trial.
“It was the choice of the prosecution. You could have started with the ill-gotten wealth and stopped there. But you chose to spend 38 days,” suno sa senator-judge sa Day 39 sang trial.
Ang article kaangot sa unexplained wealth amo ang i-sustain sang prosecution, samtang ang gin-drop amo ang grave threats, confidential funds, kag bribery.
Ginpaanggid pa ini ni Cayetano sa tapungulay kun sa diin gintapungol na ang defense, kag ihambal lang sang prosekusyon nga agud makakinot sa tyempo, indi na lang magbalos.
“So, kung baga sa suntukan, sinuntok niyo na yung defense, then sasabihin niyo, to save time, huwag na kayong gumanti,” pahayag sini.
Dugang niya: “It’s not only the legal consequences, meaning acquitted or convicted, but also the reputation of the Vice President and her right to a fair hearing, a fair trial, by being able to present their own evidence.”
Nahibaluan nga ginpasugtan ni Presiding Officer Chiz Escudero ang desisyon sang prosecution.
Magabalik ang proceedings sa Nobyembre 9 kun sa diin maga-present na sang kaso ang defense team kaangot sa nabilin nga unexplained wealth charge.
