Nagpanawagan ang isa ka opisyal sang Catholic Bishops’ Conference of the Philippines (CBCP) sa mga kurap nga mga pulitiko nga magpuasa man kag maglikaw sa pagpangawat sang pondo sang gobyerno.
Ini ang sentro sang mensahe ni CBCP-Public Affairs Committee executive secretary Fr. Jerome Secillano subong nga Miyerkules de Badlis ukon ang pagsugod sang pag-obserbar sang Simbahan Katolika sang Lenten Season.
Suno kay Fr. Secillano, ini nga season isa ka oportunidad para sa mga pulitiko nga mag-untat sa ila malaot nga mga buhat kag mag-umpisa naman sa pagpuasa, abstinence, kag paghatag sa nagakinahanglan.
Pahayag pa sang CBCP official, ini nga season ang manggaranon sa simbolismo nga nagapahanumdom sa mga tawo nga indi sila mabuhi tubtub sa katubtuban, gani nga dapat may yara sang paghinulsol sa mga sala ukon repentance.
“In our life, accountability is important. So, if nowadays there are discussions of accountability in corruption issues, our biggest accountability would be when we face God,” suno kay Secillano nga amo man ang rector sang EDSA Shrine.
Suno sa iya, mas maayo gid kun magpuasa ang mga pulitiko sa pagpangurap indi lamang sa 40 adlaw sang Lent kundi sa bilog na nila nga kabuhi.
“It would be better if the politician would fast from stealing and engaging in corrupt activities not only during 40 days of Lent but even beyond that,” dugang niya. “It is going to be a way of life. There should be an interior conversion to do what is right.”#
