Ginakabig sang City Drug Enforcement Unit (CDEU), nga isa ka dako nga pagpanghakat sa ila nga buy bust operations ang panibag-o nga stratehiya sang mga durugista.
Sa interview sang Bombo Radyo kay PCapt. Roque Gimeno III, Hepe sang CDEU, iya ginpahayag nga ila natukiban nga madamo na sa mga nagabakal kag nagabaligya sang droga ang ginapaagi na sa mga delivey rider kag ginaputos ang mga droga kaangay sang parcel.
Suno pa kay Gimeno, wala na sang madamo nga naga-engage sa face-to-face transaction, bangud nga nagahalong naman ang mga ini agud indi sila madali nga madakpan sang mga awtoridad.
Natukiban sang mga kapulisan ang panibag-o nga tikang sang mga durugista matapos nila nga nadakpan ang isa ka subject nga madamo sang tinago nga mga karton nga amo ang ginaputsan sang mga droga kag ginapadeliver sa mga rider.
, nga isa ka dako nga pagpanghakat sa ila nga buy bust operations ang panibag-o nga stratehiya sang mga durugista){kind=link}