Ginrekomenda sang Iloilo City Disaster Risk Reduction and Management Council (CDRRMC) kay Mayor Raisa Treñas nga ipaidalom sa State of Calamity ang siyudad bangud sa nangin epekto sang mag nag-agi nga bagyo.
Subong nga aga, nagpatawag sang emergency meeting ang alkalde kaupod ang CDRRMC agud i-review ang pagpaidalom sa State of Calamity sa siyudad.
Base sa datos nga ginpresentar sang CDRRMO, may ara sang total exposed population of 240,304, based on 2024 PSA data; Ang forecasted affected population (15%) is 38,062; Kag base sa situation report sang July 28, —44,723 na ang naapektuhan sang pagbaha, kag 12,158 naman ang naapektuhan sang storm surge. May kabug-usan nga 56,881 affected individuals.
Ini nga datos nakasulod sa criteria sa idalum sang Philippine Disaster Risk Reduction and Management Act of 2010, nga naga-authorize sang declaration sang State of Calamity kun may daku nga epekto sa kabuhi, trabaho, infrastructure, kag mobility sang pumuluyo.
Gani, gin-aprubahan sang konseho ang rekomendasyon, upod ang utilization sang ₱31.5 million gikan sa Quick Response Fund (QRF) sang siyudad.
Gin-aprubahan man ang mga programa nga ₱20M para sa site development sang relocation sites para sa mga evacuees sa Brgy. San Juan; ₱10M para sa comprehensive flood assessment and drainage master plan para sa bilog nga Siyudad sang Iloilo; ₱1.4M para sa food assistance sa mga displaced families; kag ₱ 100K para sa seed distribution sa mga apektado nga mangunguma.
Suportado man ini sang alkalde kag bilang chairperson sang CDRRMC, magakoordinat ini sila sa Sangguniang Panlungsod para sa approval process.
By: 𝑩𝒐𝒎𝒃𝒐 𝑯𝒂𝒏𝒏𝒂 𝑨𝒏𝒅𝒂𝒔𝒂
