Nagpatigayon na ang Iloilo City Disaster Risk Reduction and Management Council sang pre-disaster risk assessment sa kun ano ang mga possible scenarios sa mangin hulag sang bagyo Basyang agud nga mangin mas preparado ang siudad sang Iloilo.
Sa interview sang Bombo Radyo kay Darwin Papa, Head sang Disaster Response Division sang Iloilo city, iya ginpahayag nga preparado naman ang mga otoridad sa kun ano ang posible nga mga magluntad nga mga insidente.
Suno kay Papa, nag-umpisa na sa paglibot ang mga search and rescue teams ilabi na sa mga coastal barangays bangud sa possible man nga pagtaas sang balod.
Nagpahanumdom man ini sa publiko nga magpreparar sang ila nga mga kinahanglanun ilabi na kun nagakadapat na nga mag-evacuate.
