Ceasefire, gingamit sang NPA para pabaskugon ang puwersa – PNP

ILOILO CITY – Nagbaskog pa ang puwersa sang New People’s Army sa Iloilo kag mga kaiping nga probinsiya, kadungan sang ceasefire nga ginpatuman sang Duterte admnistration.
Sa interview sang Bombo Radyo, ginpahayag ni Iloilo Provincial Police Office (IPPO) spokesman C/Insp. Aron Palomo nga santo sa ila intelligence information sang Armed Forces of the Philippines, ginhingalitan sang mga rebelde ang ceasefire.
Matapos ginsuspinde sang militar kag pulis ang operasyon, gingamit man ini nga kahigayunan sang NPA para mag-recruit kag ginpasangkad ang puwersa sa mga barangay.
Subong nga wala na sang ceasefire, ginpahayag ni Chief Insp. Palomo nga aktibo na naman ang mga rebelde.
Una na ginkumpirma sang PNP ang plano sang NPA nga pag-atake sa mga vital installations sa Iloilo.