Apat ka mga biyahe sang Cebu Pacific ang nakanselar subong nga aga bangud sang suspendido gihapon nga operasyon sang Iloilo International Airport.
Suno kay Cebu Pacific corporate communications director Charo Logarta-Lagamon, cancelled na ang Flight 5J 242 kag 5J 243 nga Iloilo-Hong Kong-Iloilo.
Ang ini nga flight ang naghalin kuntani alas-11:05 kagab-i kag alas-4:00 kaina sang kaagahon ang return flight.
Ginkansela man ang Flight 5J 468 kag 5J 469 nga Iloil-Manila-Iloilo.
Ang nasambit nga flight ang naghalin kuntani alas-12:20 kaina sang kaagahon.
Samtang gin-athag naman ni Lagamon nga wala sang kanselasyon sa ila biyahe sumugod alas-6:00 sang aga subong nga adlaw.
Sa baylo maatrasar lang ini sang kapin apat ka oras.
Suno kay Lagamon, apisar nga nakauha na ang eroplano gikan sa lugar kun sa diin ini nag-guot, nagapadayon ang clearing operation sa mga debris.
Kanselado man ang anom ka mga biyahe sang Philippine Airlines.
Ini ang ginalakipan sang mga masunod:
PR 2139 / 2140 – Manila-Iloilo-Manila
PR 2141 / 2142 – Manila-Iloilo-Manila
PR 2380 / 2381 – Cebu-Iloilo-Cebu.