ILOILO CITY – Gintuldukan na sang celebrity couple nga sanday Heart Evangelista kag Senator Francis Escudero ang huring-huring nga bulagay na sila.
Ini matapos nga gin-post sang fashion icon ang pictures nila nga duha nga magkaupod sa New Year’s Eve.
Yara man sa pictures ang duha ka mga anak ni Escudero.
Sa isa ka picture, makita nga nagakaptanay sang kamot ang mag-asawa.
Gin-caption man sini ang mga tinaga nga “Happy 2023.”
Ang breakup rumors ang nagtuhaw matapos nga nag-post si Heart nga nagahibi sa isa ka magazine shoot.
Antes sina, gin-ako ni Heart nga nagapangatubang siya sang personal struggles.
