Mas nagtunog pa ang espekulasyon nga magabalik sa pag-perform ang Canadian superstar nga si Celine Dion sa entablado mismo sang Paris Olympics.
Ini matapos nakuhaan ini sang mga laragway kag videos nga nag-abot na sa Paris kag nag-check in sa hotel pila ka adlaw antes ang ginakalangkagan nga opening ceremony sang Summer Games.
Apisar wala pa sang kumpirmasyon halin sa organizers, matunog nga ginabati-bati nga lakip si Celine sa stars kaangay kanday Lady Gaga nga magakanta sa amo nga seremonya.
Pananglitan madayon ini, ini ang comeback performance sang 56-anyos nga veteran singer matapos ini na-diagnose nga may Stiff Person Syndrome sang Disyembre 2022 nga rason kun nga nakanselar ang iya live shows.
Kun matabo, ini man ang ikaduha nga tion nga magapakigbahin ang “queen of power ballads” sa opening ceremony sang Olympic Games matapos nga nag-perform man ini sa Atlanta sang 1996.
