Ginpakigbahin sang utod sang Canadian superstar nga si Celine Dion nga mas naglala pa ang kondisyon sini isa ka tuig matapos sini ginsapubliko nga nagasuprer ini sa rare neurological disorder nga ginatawag nga stiff-person syndrome.
Suno kay Claudette Dion, nakit-an niya kun paano nagatinguha kag tuman ka disiplinado si Celine apang indi na sini ma-kontrol ang iya muscles.
Ginakahangaw-an man sang utod nga samtang nagadugay, madulaan man ini sang kontrol sa iban nga parte sang iya lawas kaangay sang iya nga vocal chords kag korason.
“There are some who have lost hope because it is a disease that is not known. If you only knew how many calls we receive at the Foundation to hear from Céline. People tell us they love her and pray for her. She gets so many messages, gifts, and blessed crucifixes. She works hard, but she has no control over her muscles. What makes me sad is that she was also so disciplined,” pahayag ni Claudette.
Luyag man sini nga makabalik si Celine sa entablado apang wala pa sang kasiguraduhan bangud sa iya kondisyon subong.
“The vocal cords are muscles, and the heart is also a muscle. This is what gets me. Because it’s a one-in-a-million case, scientists don’t have that much research on the topic because it didn’t affect that many people.”
Isa si Celine sa ginakilala nga nagapanguna kag pinaka-bantog nga women singers sa kalibutan kag kilala sa iya hits nga “Because You Loved Me”, “My Heart Will Go On” kag “Think Twice”.
Disyembre 2022 sang ginpahibalo ni Celine sa iya fans ang diagnosis sa iya kag gin-anunsyo man sini nga kinahanglan nga i-reschedule ang petsa sang iya mga tour.
Sang Mayo 2023, gin-anunsyo na ang dalayon nga pag-kanselar sang tour bangud sa kondisyon sang iya nga ikaayong lawas.
Una na nga ginpahayag sang singer nga ang iya ginasuprer nga neurological disorder ang tuman ka pinasahi nga kaso bangud nagaapekto lamang ini sa isa sa kada isa ka milyon nga tawo.
Suno sa John Hopkins Medicine, ang stiff-person syndrome isa ka autoimmune disorder sang nervous system nga nagatuga sang “progressive muscle stiffness and painful spasms” kun may yara sang gulpi nga paghulag, malamig ang tyempo, kag kun may magtuga sang tuman nga gahod.#
(Photo: Samir Hussein/Redferns)
