Indi mag-relax ang Boston Celtics apisar nga naka-uno na ini sa serye batok sa Miami Heat sa NBA Eastern Conference Finals.
Suno kay Celtics coach Joe Mazzulla, ipabilin sang Boston ang amo gihapon nga lebel sang intensidad, amo gihapon nga mindset, kag amo gihapon nga sahi sang focus para sa Game 5.
Kahapon, sa Game 4 sang hampang, ginpunggan sang Celtics nga dalayon na nga makasulod ang Miami Heat sa NBA Finals. Daog ang Celtics, 116-99, kag nahimo nga 3-1 ang serye.
Nagpanguna si Jayson Tatum nga may 33 points kag 11 rebounds and assists, samtang lima pa ka players ang may yara sang double figures.
Wala pa sang team sa NBA history nga nakabangon sa 3-0 deficit sa best-of-seven series, apang ginpasalig sang Celtics nga daku ang paglaum sang team sa masunod nga do-or-die games.
Para naman kay Heat coach Erik Spoelstra, ginhatagan sini sang credit ang Boston bangud wala-duda nga sa ila nagkadto ang Game 4.
Apang nagpahayag man ini nga may regrouping nga himuon ang Heat agud nga dalayon na nga matapos ang serye kag maatubang na ang Denver Nuggets nga amo ang nagahulat sa Finals.
Patigayunon ang Game 5 buwas, 8:30 sa aga oras sa Pilipinas.
