Gin-turn-over na sang City Environment and Natural Resources Office (CENRO) sa Iloilo City – Commission on Elections (COMELEC) ang tanan nga campaign posters nga ila nakumpiska sa mga plaza sa syudad sang Iloilo.
Sa interview sang Bombo Radyo kay Engr. Noel Hechanova, Head sang CENRO, iya ginpahayag nga kaupod nila ang Department of Environment and Natural Resources (DENR) sa pagkumpiska sang mga illegally posted nga campaign materials.
Suno kay Hechanova, kadam-an sa campaign materials nga ila nakuha, ginpaskil sa mga puno sang kahoy.
Dugang pa niya, nakadepende naman sa COMELEC kun ano ang ila nga mangin tikang sa mga nakumpiska nga posters.
