ILOILO CITY- Magapahamtang sang waste traps ang City Environment and Natural Resources Office sa mga suba nga yara sa boundary sang mga barangay sa La Paz kag Jaro,Iloilo City.
Sa interview sang Bombo Radyo kay Engr. Neil Ravena, pinuno sang General Services Office, iya ginpahayag nga katuyuan sini nga mahibaluan kun ano nga barangay ang source sang basura nga masami makit-an nga nagalutaw lang sa suba kag creeks.
Suno kay Ravena, sa subong, may yara na sang inisyal nga budget nga 10,000 sa paghimo sang waste traps.
Ginapanan-aw nga ma-install na ang amo nga waste traps sa masunod nga semana.
