𝗜𝗟𝗢𝗜𝗟𝗢 𝗖𝗜𝗧𝗬 — Nakakuha ang Iloilo City Environment and Natural Resources Office (CENRO) sang 48 cubic meters nga basura sa Dungon Creek.
Sa interview sang Bombo Radyo kay Engr. Niel Ravena, Head sang City Environment and Natural Resources Office, iya ginpahayag nga kalabanan sa ila nakuha amo ang water lilies nga nagapugong sa pag-ilig sang tubig sa nasambit nga creek.
Suno kay Ravena, nag-deploy ang talatapan sang tatlo ka mga dump truck nga sarang makakuha sang 22 cubic meters nga basura.
Ginpahayag man sini nangin pagpanghangkat sa ila ang mga water lilies nga nagasimpon sa basura rason nga mabug-at ini kun ginahakot na.
Tuyo naman sang opisina nga masunod nga tinlo-an ang Jaro River nga kabahin man sa ila preparasyon sa pagbaha subong nga nagasulod na ang tig-ululan sa pungsod.
