ILOILO CITY — Posible nga subong nga semana patigayunon ang ceremonial destruction ukon ang pagpang-guba sa mga nakumpiska nga modified mufflers sa Iloilo City.
Sa interview sang Bombo Radyo kay Ret. Police Colonel Uldarico Garbanzos, pinuno sang Iloilo City Traffic Management Unit (ICTMU), iya ginpahayag nga naglab-ot na sa 116 ang na-confiscate sang talatapan nga modified mufflers sa Iloilo City sugod sang Marso 23, 2024.
Suno kay Garbanzos, ginagamitan nila sang decibels measure ang mga madakop nga open ukon modified muffler agud mahibaluan kun nagalapaw ini sa prescribe level nga 99 decibels.
Ginpahayag man sang natungdan nga yara na sa 113 ang na-issuehan sang traffic citation ticket bangud man sa paglapas sa nakatalana nga prescribe level.
Lakipan naman ang ceremonial destruction sang Iloilo City Police Office (ICPO) kag Iloilo City Government sa diin, pagatingbon ang nakumpiska nga modified mufflers sang tagsa ka talatapan.
