ILOILO CITY-Wala pa sa gihapon naistoryahan sang mga myembro sang Iloilo City Council ang may kaangtanan sa chairmanships sa tagsa ka komitiba.
Sa interview sang Bombo Radyo kay Vice Mayor Jeffrey Ganzon, iya ginpahayag nga nagakadapat pa nga istoryahan ang nasambit nga bagay agud may yara sang finality.
May yara naman suno kay Ganzon nga nagahambal na nga daan kun ano ang ila naluyagan nga komitiba apang paga-istoryahan kag pagatan-awun man kun ano ang mahambal sang iban pa nga katapo sang konseho.
Magaset man siya sang meeting suno kay Ganzon agud maistoryahan sang matawhay ang may kaangtanan sa komitiba kag mangin patas.
Pagapamatian man nila suno sa natungdan kun ano ang mangin pahayag ukon desisyon ni Iloilo City Mayor elect Jerry Treñas.
