Wala man nakaluwas sa mataas nga tubig-baha ang Sta. Barbara Chapel sa Bacolor, Pampanga, subong nga Agosto 30.
Ginsalbar ang pila ka mga importante nga gamit sa sulod sang simbahan agud indi man ang mga ini maguba sang nasambit nga baha.
Suno kay Bacolor Mayor Eduardo Diman Datu, madasig nga nagataas ang baha sa lugar kun sa diin nahamtang ang chapel bangud sa manubo sini nga pwesto.
Nahibaluan nga kabahin ang Pampanga sa tuman nga naapektuhan sang mamunog nga ulan nga dala sang habagat.
