Engaged na ang American singer-songwriter nga si Charlie Puth sa iya best friend nga si Brooke Sansone!
Sa iya nga post, ginpahayag sang “Marvin Gaye” hitmaker nga nagpadulong siya sa New York City agud mag-propose.
“I flew to New York to ask my best friend to marry me, and she said yes. I am the happiest, best version of myself and it is all because of you Brookie,” kabahin sang iya nga sweet announcement.
Nangin Instagram official lamang ang relasyon sang musician kag sang iya nga girlfriend sang nag-post siya sang iya nga pictures kadungan sang iya 31st birthday sang Disyembre 2, 2022.
Magkaupod nga nagdaku sanday Charlie kag Brooke sa New Jersey antes pa man nagtubo ang ila nga gugma sa isa kag isa.
“I love you endlessly forever and ever and ever!,” kabahin pa sang Instagram post sang “Attention” singer.
