Ginsakyan kag gin-uba ang underwear.
Ini ang ginaalegar ginhimo ni alyas Girlie, 23 anyos, kay alyas Boyboy, isa sa mga ginareklamo sini sang pagpanghimulos.
Natabo ang ginaalegar pagpanghimulos sa Oton, Iloilo.
Sa interview sang Bombo Radyo kay Boyboy, 22 anyos, iya ginpahayag nga ang babaye mismo ang nagapangganyat kag nagapakita sa iya sang motibo.
Suno kay Boyboy, wala siya nakahibalo nga may bana si Girlie bangud masami ini nga nagahibi sa iya kag gintuad sini nga nagbulagay na sila sang iya nga nobyo.
Pahayag niya, nagtawag si Girlie agud nga tabuon ini kag ginaalegar nga nanghagad ini nga mag-inom inom.
Lima sila ang nag-inom , apat ka lalaki kag si Girlie ang naga-isahanon nga babaye.
Dugang pa ni Boyboy, mangin ang iya mga abyan ang ginapalapitan man ni Girlie.
Nagapanindugan ini nga lunsay wala sang kamatuoran ang mga ginpangsugid sang tagreklamo sa mga pulis.
