ILOILO CITY – Nagadepende na sa tagsa ka School Head ukon School Administrator ang paghatag sang exemption sa mga estudyante nga indi maka-eskwela bangud nga wala sang biyahe ang sakayang pandagat nga may ruta Iloilo-Guimaras vice versa tuga sang malain nga tiyempo.
Sa interview sang Bombo Radyo kay Dr. Rex Casiple, Educational Program Specialist sang Commission on Higher Education 6, iya ginpahayag nga kinahanglan nga hatagan sang humanitarian consideration ang mga estudyante nga apektado sang pag-untat sang biyahe sang mga sakayang pandagat.
Suno kay Dr. Casiple, sa subong, ang mga Private School lang ang may yara sang klase kag sa masunod naman nga semana maga-umpisa ang klase sang mga pampubliko nga eskwelahan.
Mahimo man nga makapatigayon sang make-up class ang mga estudyante agud nga makalagas sa ila klase.
