Ginkoronahan bilang Miss Universe Philippines 2024 ang tiglawas sang Bulacan nga si Chelsea Manalo kadungan sang live coronation night sa Mall of Asia Arena kagab-i.
Ginlutos sini ang 52 ka iban pa nga mga kandidata sa national pageant lakip na ang frontrunners ukon ang mga heavy favorite nga magdala sang korona.
Yari ang runners-up:
1st runner-up: Stacey Gabriel (Cainta)
2nd runner-up: Ma. Ahtisa Manalo (Quezon Province)
3rd runner-up: Tarah Valencia (Baguio)
4th runner-up: Christi Lynn McGarry (Taguig)
Sa preliminary interviews, isa si Chelsea sa standouts kag ini man ang napilian nga winner sa Miss Jojo Bragais runway challenge.
Ini nga darkhorse Filipino-American ang magatiglawas sa Pilipinas sa international pageant sa Mexico subong nga tuig.
Yari ang sabat ni Chelsea sa question-and-answer portion sa Top 5 nga “You are beautiful and confident – how will you use these qualities to empower others?”
“As a woman of color, I’ve always been told that beauty has standards. But I have always listened to my mother to always believe in yourself and uphold the vows that you have in yourself. Because of these, I am already influencing a lot of women who are facing me right now. As a transformational woman, I have here with me 52 other delegates who have helped me become the woman I am.”
Madamo naman ang nakibot nga wala nakasulod sa Top 5 ang pambato sang Iloilo City nga si Alexie Brooks nga isa sa heavy favorites sa sini nga pageant.Nagtapos lamang si Brooks sa Top 10 kaupod si Kris Tiffany Janson sang Cebu; Victoria Velasquez Vincent sang Bacoor; Anita Rose Gomez sang Zambales; kag Cyrille Payumo sang Pampanga.
Apisar sini, nagbangon ang gana sang mga Ilonggo sang gin-anunsyo na ang winners sang Miss Supranational Philippines, Miss Charm Philippines, Miss Eco International Philippines, kag Miss Cosmo Philippines.
Si Brooks ang napilian nga Miss Eco International Philippines 2024. Si Ahtisa Manalo sang Quezon Province ang Miss Cosmo Philippines 2024; si Tarah Valencia sang Baguio ang Miss Supranational Philippines 2024, kag si Cyrille Payumo sang Pampanga ang Miss Charm Philippines 2024.
Ini nga apat ka titleholders ang may yara sang separado nga crowning ceremony.
Ini nga 2024 edition amo ang una nga edition sang Miss Universe pageant nga wala sang age restrictions kag ang Accredited Partners Program naman ang nagpili sang ila nga mga kandidata.
Ang nagserbe nga hosts sa finals amo si Miss Universe 2022 R’Bonney Gabriel, American TV personality Jeannie Mai kag actor Alden Richards, samtang segment hosts sanday Gabbi Garcia kag Tim Yap.
