ILOILO CITY- Madamo sang negatibo nga epekto sa ikaayong lawas sang isa ka persona ang pagpanigarilyo lakip na sa mga makahaklo sang aso sang sigarilyo.
Sa interview sang Bombo Radyo kay Dr. Josefa Silla, isa ka pulmunologist, iya ginpahayag nga lakip sa mga negatibo nga epekto sang sigarilyo kag sang aso sini sa ikaayong lawas ang ginalakipan sang stroke, asthma, pneumonia, heart diseases, lakip na ang cancer.
Suno kay Silla, ang sigarilyo ang may yara sang 7,000 ka mga chemicals sa diin 200 diri ang makahalalit samtang 70 naman ang makatuga sang cancer.
Ang isa ka persona nga nagapanigarilyo suno kay Silla ang mas may mataas nga risgo nga ma-admit sa hospital, mapahamtang sa Intensive Care Unit, ma-angutan sang tubo kag ventilator, kag dako ang tyansa nga madulaan sang kabuhi sa tion nga matapikan sang Coronavirus Disease 2019.
Nagapanugyan man ang natungdan nga agud malikawan ang ano man nga kumplikasyon sa lawas likawan ang pagpanigarilyo, kag magpalayo sa mga persona nga nagapanigarily
