Arestado ang isa ka chemical engineer sa sulod sang ginaarkilahan nga apartment nga ginhimo niya nga shabu laboratory sa Cebu City.
Ang suspek amo si Stephen Tapulada, 32 nga gindakop paagi sa search warrant sa iya apartment sa D. Jakosalem Street, Barangay Zapatera.
Didto naabtan sang mga operatiba ang isa kag kitchen-type drug laboratory, mga kemikal kag mga gamit sa paghimo sang shabu, ecstasy kag cocaine.
Gindakop man ang live-in partner ni Tapulada matapos maabtan sa lugar sang ginserbe ang warrant.
Suno naman sa caretaker sang apartment, wala sila nakahibalo nga may ilegal nga aktibidad ang suspek nga duha ka tuig na nga nagaistar sa apartment.
Sa pagpati sang otoridad, ideliver ang mga droga sa mga high-end club sa Boracay, Metro Cebu kag Zamboanga City.
