Apisar nadala man sa listahan sang showbiz breakup subong nga 2023, ginsigurado nanday Cherry Pie Picache kag Edu Manzano nga maayo ang ila pagtamdanay, mag-abyan gihapon, kag may pagpalangga gihapon sa isa kag isa.
Ang 53-anyos nga aktres mismo ang nagkumpirma sang huring-huring nga nagbulagay na sila sang 68-anyos nga host-actor apang wala na sini gin-detalye ang rason sa pagtapos sang ila nga relasyon.
“We’re very good friends; he’s a very good person, very good friend and you know, we will always love each other,” suno kay Pichache.
May clues man nga nahatag nga madugay-dugay na ang ila nga breakup, apang suno sa aktres, mangin “merry” gihapon ang iya Paskwa apisar single bangud natun-an na niya nga wala dapat gina-depende sa iban nga mga tawo ang kalipay.
“Sa edad kong ito ngayon, I cannot depend my happiness anymore on somebody else. Besides, dapat din buo ako or whatever or kumpleto ako kung magmamamahal ako ulit,” pahayag sang beterana nga aktres.
Nahibaluan nga naka-date na ang duha sang bataon pa lamang sila apang nagbalikay sang nagligad lamang nga Nobyembre 2021.
Natigayon ang ila nga reunion kag second chance sa dating sang pareho sila nga nangin kabahin sang teleserye nga Marry Me, Marry You kaupod kanday Janine Gutierrez kag Paulo Avelino.#
