Kumpirmado nga maga-retire sang temprano sa iya nga serbisyo si Chief Justice Diosdado Peralta.
Suno kay Supreme Court spokesperson Brian Hosaka, magabiya na sa pwesto si Peralta sa Marso 27, 2021 kadungan sa iya nga ika-69 nga kaadlawan.
Ini ang isa ka tuig nga mas temprano bangud 70 ang mandatory retirement age para sa high court justices.
Suno kay Hosaka, napahibalo na ni Peralta ang iya nga mga kaupod sa Korte Suprema apang magahatag lang siya sang pormal nga anunsyo sa nagakaigu nga tion.
