Ginakabig sang kadam-an sang mga Pinoy nga ang China amo ang pinakadaku nga pamahog sa Pilipinas sa una nga quarter sang 2024.
Ini kun basehan ang latest result sang survey sang OCTA Research nga 76% sang mga respondents ang naghingalan sa China nga biggest threat sa pungsod kag ginasundan sang Russia nga may 9%.
Ini nga 76% score ang mas manubo ipaanggid sa “three year high” nga 79% sang Disyembre 2023, apang suno sa OCTA, sulod gihapon ini sa margin of error para sa national estimates.
Ang percentage sang respondents nga nagatudlo sa China bilang isa ka threat ang nagsaka sang 17% halin sang nagsugod ang Marcos administration.
“[The data naming China as the biggest threat has been] statistically unchanged since the previous quarter ending in December 2023. Russia was a far second, with only 9 percent perceiving the country as posing the greatest threat to the Philippines—a 6 percent decline since the beginning of the war in Ukraine,” suno sa survey.
Sa survey, at least 71% sang respondents sa tanan nga major areas sang pagtuon ang nagsiling nga China ang biggest threat sa Pilipinas samtang 77% naman sa Class D kag 76% sa Class E ang nagpahayag sang amo man nga panan-awan.
Sa Classes A-B-C, yara lamang sa 63% ang may kaangay man nga opinion.
Sa pihak nga bahin, 44% naman sang respondents ang nagapati nga may positibo nga impact ang China sa ekonomiya sang Pilipinas. Ini ang 13% nga mas mataas sa initial survey sang Oktubre 2022 nga nakakuha lamang sang 31%.
Ini nga latest Tugon ng Masa survey ang nakatipon sang data paagi sa face-to-face interviews sang masobra 1,200 interviewees sa bilog nga pungsod halin sang Marso 11-14.
Ini ang may ±3% margin of error sa 95% confidence level nationwide, kag ±6% margin of error sa 95% confidence level para sa Metro Manila, Balance Luzon, Visayas, kag Mindanao.
