Gin-deliver na sang China ang 600,000 doses sang Sinopharm vaccine sa Cambodia sa pihak sang mga pagkabalaka sa ka-epektibo sang Chinese vaccine.
Gin-anunsyar sang tinalikdan nga bulan ni Cambodian leader Hun Sen nga ma-donate ang China sang one million doses sang ila nga COVID-19 vaccine sa diin ini ang maga-cover sa 500,000 ka tawo bangud duha ka dose ang kinahanglan sa kada indibidwal.
Indi pa maathag kun san-o naman idul-ong sang China ang nabilin nga bakuna matapos ang una nga batch.
Suno kay Hun Sen, nagapasalamat ang Cambodian government sa China sa bulig nga ginhatag sa ila.
Isa si Hun Sen sa longest-serving leaders sa bilog nga kalibutan.
Nagpabutyag ini sang kahandaan nga siya ang una nga magapabakuna apang indi na ini madayon matapos nahibaluan nga ang bakuna ang para lang sa mga tawo nga naga edad 18 tubtob 59 anyos sa diin siya ang naga-edad na sang 68 anyos.
