Ginpanginwala sang China ang report nga nakabaton sila sang request sang asylum para kay former President Rodrigo Roa Duterte kag sa iya pamilya.
Ini kasunod sang naglapta nga reports diri sa Pilipinas nga sang didto sa Hong Kong si Duterte, nagtinguha ini nga maka-apply sang asylum sa Chinese government apang gin-deny. Sang amo nga tion, matunog na ang espekulasyon nga nagguwa na ang arrest warrant halin sa International Criminal Court (ICC).
Suno kay Guo Jiakun, Chinese Foreign Ministry spokesperson, isa ka “private holiday” ang pagbisita ni Duterte sa Hong Kong nga isa ka special administrative region sang China.
“Mr. Duterte’s visit to Hong Kong is a private holiday. China has never received an application from the so-called former President Duterte and his family to seek asylum from the Chinese government,” pahayag sang spokesperson.
Matandaan nga Marso 7 sang nagpa-Hong Kong ang former president kag nagtambong sa event kaupod ang mga Overseas Filipino Workers (OFWs). Pagbalik sini sa Pilipinas sang Marso 11 sang aga, pagtapak sa Ninoy Aquino International Airport, gin-aresto siya sa gahum sang arrest warrant halin sa Pre-Trial Chamber I sang ICC.
Gilayon man siya nga ginlupad sa The Hague, Netherlands agud atubangon ang charges nga crimes against humanity nga nag-ugat sa iya kampanya nga “drug war.”
Antes ang statement sang China, ang isa sa mga abogado ni Duterte nga si former labor secretary Silvestre Bello III ang nagsiling man nga indi matuod nga nag-apply si Duterte sang asylum.
“I was with the president in Hong Kong and I left ahead, and before that we had a meeting and there was never an attempt on the side of the president to seek asylum, otherwise, as his counsel, he should have informed me,” suno kay Bello.
“There was no such thing. In fact, when he met with the overseas Filipino workers, he even mentioned that there was allegedly a warrant of arrest and he even expressed his readiness to be arrested,” kabahin pa sang pahayag sini.
Sa bahin sang Malacañang, ginsiling anay ni Communications Undersecretary Claire Castro nga wala man sang ideya ang Marcos administration sa amo nga impormasyon nga nagpangayo ini sang international protection halin sa iban nga pungsod.#
