ILOILO CITY- Ginhikayan kag ginkadlawan lamang sang iban nga mga pungsod ang debate nanday United States President Joe Biden kag anay Presidente Donald Trump.
Sa China, gintawag sang high profile media commentator and former state media editor na si Hu Xijin nga very entertaining ukon kaladlawan ang debate.
Gin-angot man sang Chinese media ang duha sa Alzheimer’s disease kag mental illness.
Gintawag naman sang state-owned nga Global Times ang debate nga kaangay sang isa ka reality show.
Sa bahin sang Russia, gintawag sang military blog nga Rybar ang performance ni Bidn bilang “total failure”; samtang ang Telegram channel sang Russia in Global Affairs magazine nagsiling nga napaslawan si Biden nga pamatud-an nga yara ini sa “proper physical shape” nga pamunuan liwat ang pungsod.
Samtang,apisar wala nangin maayo ang resulta sang nasambit nga debate, indi sini mabag-o ang desisyon sang pila ka mga Pinoy sa kun sin-o ang ila nga botohon sa masunod nga eleksyon.
Suno kay Bombo Mary Drake, international correspondent sa Ohio, USA, apisar dismayado sila sa nangin sabat nanday Trump kag Biden sa pila ka isyu kag sa mga topiko nga wala naistoryahan, bug-os na ang ila desisyon kun sin-o ang ibutang nila sa balota.
Si Drake ang naging American citizen sang 2018 kag nangin botante sang nakaligad nga 2020 presidential elections.
