Naakig ang China sa joint statement sang Estados Unidos kag Japan nga nagamuno sang ila nga pagpang-garit-garit sa West Philippine Sea.
Suno kay Chinese foreign ministry spokesman Guo Jiakun, ang amo nga pahayag ang maathag nga naga-hilabot sa internal affairs sang China. Ginpahayag man nga naga-atake ini sa ila ngalan kag naga-exaggerate sa tension sa Indo-Pacific region.
“The China-related content of the US-Japan joint statement blatantly interferes in China’s internal affairs, attacks and smears China and exaggerates regional tensions,” suno kay Guo.
Ang ginatumod nga statement ang ginpaguwa kadungan sang bilateral meeting nanday US President Donald Trump kag Japanese Prime Minister Shigeru Ishiba sang Biyernes.
Gin-athag sang duha ka mga lider nga ginapamatukan nila ang iligal nga maritime claims sang China, militarisasyon sang reclaimed features, kag pagpamahog nga ginahimo sini sa West Philippine Sea.
“The two leaders reaffirmed their strong opposition to the PRC’s unlawful maritime claims, militarization of reclaimed features, and threatening and provocative activities in the South China Sea,” kabahin sang statement.
Nahibaluan nga ang Japan amo ang isa sa pinakasuod nga kaalyado sang US sa Asya. May yara sang 54,000 US military personnel nga naka-estasyon sa amo nga pungsod.
