Ginkumpirma sang Philippine Coast Guard (PCG) ang pag- deploy sang China sang People’s Liberation Army Navy (PLAN) helicopter samtang gina-monitor sang pwersa sang pungsod ang Chinese “monster ship” sa exclusive economic zone (EEZ) sang Pilipinas.
Nahibaluan nga padayon ang monitoring sang PCG vessel BRP Cabra sa China Coast Guard (CCG) vessel 5901, nga kilala nga monster ship nga nakit-an nga yara sa 60 tubtob 70 nautical miles halin sa coastline sang Zambales sa sulod na sang apat ka adlaw.
Suno kay PCG spokesperson for West Philippine Sea (WPS) Commodore Jay Tarriela, nag-isyu si PCG Commandant, Admiral Ronnie Gil Gavan sang maathag nga direktiba nga indi magpatiplang kag maglikaw sa paghimo sang ano man nga tikang nga mahimo magpataas sang tensyon.
Ginpahayag ni Tarriela nga nag-isyu sila sang radio challenges sa monster ship kag ginpanindugan ang ilegal nga operasyon sang China kag kakulang sa legal nga otoridad nga magpatigayon sang law enforcement patrols sa sulod sang Philippine exclusive economic zone.
Una na ginpahayag ni former United States Air Force official and former defense attaché Ray Powell nga sa subong, may yara sang indi magnubo sa siyam ka dalagko nga China Coast Guard ships nga nagapatrolya sa sulod sang exclusive economic zone.
