Gin-anunsiyo sang China ang ila nga pagbalos sa United States matapos nga ginpatuman ang 10 percent nga taripa.
Suno sa China, magapatuman sila sang 15 percent nga taripa sa coal kag liquefied natural gas products kag 10 percent nga taripa sa crude oil, agricultural machinery kag dalagko nga makina sang salakyan nga halin sa US.
Magasugpod ang nasambit nga panibag-o nga taripa sa Pebrero 10.
Ginakabig pa sang China nga mag-an pa ang ila nga balos kumpara sa ginhimo sang US nga gin-ubos ang mga produkto nga gindagdagan sang 10 percent nga taripa.
Ginkumpirma man sang White House nga magaistoryahanay sanday US President Donald Trump kag Chinese President Xi Jinping.
Matandaan nga ginpaiway sang US sang isa ka bulan ang pagpatuman sang 25% taripa sa Canada kag Mexico matapos ang ginhimo nga pagpakigsugilanon sang ila nga mga lider kay Trump.
