Bilang sabat sa ginakabig nga trade war ni US President Donald Trump, nagpagwa ang Foreign Ministry sang China sang isa ka video nga nagapanawagan sa international community nga magtindog batok sa “bully” nga leader sang America.
Ginhambal sa video nga ang pagluhod sa isa ka bully ang kaangay lang sang pag-inom sang hilo agud mabulong ang kauhaw, kag sa sini, nagadalom lang ang krisis.
Direkta man nga ginsiling sa video nga indi gid magluhod ang China.
Ginasaysay man sa video ang history lesson sang kun ano ang ginakabig sang China nga American economic aggression.
Diri naman ginpresentar sang China ang kaugalingon sini bilang free-trade haven sa diin hilway ang iban nga pungsod nga mag- invest kag mag- partner.
Sa video, ginsiling man nga padayon nga manindugan ang China kag gintawag ang America nga indi masaligan.
Dugang pa, ginpahayag man sa video nga kun ang bilog nga kalibutan magtingob batok sa US, wala ini sang ibato kontra sa gintingob nga pwersa sang iban nga nasyon.
