CHINA – Nagpatigayon sang lima ka simultaneous military exercises ang China apisar sang nagasingki nga regional tension.
Suno sa Maritime Safety Administration, ang duha ka military exercises ang ginpatigayon sa Paracel Islands sa South China Sea, ang isa ang yara sa East China Sea kag sa Bohai Sea naman ginpatigayon ang isa ka military exercise.
Sa southern part sang Yellow Sea, ang drills lakip na ang live-fire exercises ang magalawig tubtub sa Setyembre 30 kun sa diin ginadumili-an ang pag-agi sang tanan nga barko.
Sang nagligad nga bulan, nagpatigayon ang China sang apat ka magkatuhay nga military exercises sa Bohai Sea tubtub sa East kag Yellow Seas kag lakip na diri sa South China Sea.
May kaangtanan diri, nagpadala sang spy planes sa no-fly zone ang Estados Unidos nga nagtuga naman sang kaakig sa China.
Nahibalu-an nga mas nagsingki ang tensyon sa tunga sang duha ka pungsod bangud sa isyu may kaangtanan sa Taiwan, coronavirus pandemic kag trade and human rights.
