Ginlaslasan ni Chinese foreign minister Wang Yi ang North Atlantic Treaty Organization (NATO) bangud sa akusasyon sini nga ginabuligan sang China ang Russia sa gyera sa Ukraine.
Gintawag ni Wang nga lunsay wala sang basehan ang ginpanghambal sang NATO. Nagpaandam man ini sa Western alliance nga likawan na ang pagdabok sang kaangay nga mga kumprontasyon.
Ang komento ni Wang ang ginpaguwa inoras matapos ang pagtipon sang mga lider sang NATO sa Washington D.C kun sa diin nag-isyu sang deklarasyon nga nagamensyonar ang Russia-Ukraine war.
Ginmensyonar man ang China bilang “decisive enabler” sang Russia paagi sa paghatag sang “large-scale support” sa defense industrial base sang Moscow.
Nagpanawagan man ang NATO sa China nga untaton na ang tanan nga material and political support sa gyera sang Russia kaangay sang pag-suplay sang dual-use materials nga mga item nga pwede magamit sa civilian kag military purposes.
Antes sini, matandaan nga gin-akusaran man sang Western states ang Beijing sa pagsaylo sang drone and missile technology kag satellite imagery sa Moscow.
Gina-estimate sang US nga 70% sang machine tools kag 90% sang microelectronics Russia imports subong ang naghalin na sa China.
