ILOILO CITY – Nagtukod sang radar dome ang China sa isa ka artificial island sa Mischief Reef, ang area nga sakop pa sang exclusive economic zone sang Pilipinas sa West Philippine Sea.
Ang mga litrato nga nagapakita sang Chinese structure ang ginpagwa sang Asia Maritime Transparency Initiative (AMTI) pila ka adlaw antes ang anibersaryo sang arbitral ruling nga nagapabor sa Pilipinas.
Una na nga ginpahayag ni Foreign Affairs Secretary Enrique Manalo nga ang nasambit nga award ang pinal kag indi na mahimo nga ma-deny.
Gina-abi-abi naman sini ang paghatag sang suporta sang iban nga pungsod.
Suno kay State Secretary Anthony Blinken, ang Estados Unidos ang liwat nga naga-affirm sang commitment sini sa mutual defense treaty sa Pilipinas.
Si Australian Ambassador Steven Robinson ang nagpanawagan man sa tanan nga mga pungsod nga sundon ang arbitral ruling.
Ini naman ang wala gin-recognize sang Beijing.
Sa bahin naman ni Philippine Ambassador to the US Jose Manuel Romualdez, ang Pilipinas ang magapadayon sa pagsuporta sa award sa idalom sang administrasyon ni President Ferdinand “Bongbong” Marcos Jr.
Suno kay Romualdez, madamo sang gina-export sang pungsod sa China nga tuyo sang administrasyon nga padamuon pa apang nagapanindugan sa gihapon nga ang arbitral award ang sundon.
Magapadayon naman ang bilateral meetings santo sa gusto nga matabo sang presidente.
Ang pahayag ni Romualdez ang ginsuportahan man ni anay Foreign Affairs Secretary Albert del Rosario nga nangin kabahin sang delegasyon nga nagpakigbato sa soberanya sang pungsod sa Permanent Court of Arbitration.
