Todo-panginwala ang China nga nagpatigayon sila sang missile test sang ila nuclear-capable hypersonic missile.
Nagguwa ang initial report sa Financial Times newspaper nga ginkakibot sang US intelligence.
Ang hypersonic missiles ang mas madasig ipaanggid sa normal lang nga missile — buot silingon mas mabudlay ini nga punggan.
Suno kay foreign ministry spokesman Zhao Lijian, nakapatigayon sang routine test ang China sang Hulyo agud nga i-verify ang nagkalain-lain nga sahi sang reusable spacecraft technology.
Apang indi ini missile pahayag niya kundi isa ka spacecraft.
Nahibaluan nga may yara sang tensyon sa tunga sang US kag China sa diin gina-akusaran sang Beijing ang administrasyon ni President Joe Biden nga mga kaaway.
Sang nagligad nga bulan, ginbuyagyag sang North Korea nga nangin madinalag-on ang ila nga missile test.
Kag sang Hulyo, kaangay man nga announcement ang ginhimo sang Russia kag ginpahayag nga ang ila nga missile ang ginlunsyar halin sa frigate ukon sa isa ka sahi sang warship sa White Sea.
