Ginatun-an subong sang U.S. officials ang national security implications sang Chinese artificial intelligence app DeepSeek.
Suno kay White House press secretary Karoline Leavitt, isa ini ka wakeup call sa American AI industry.
Gindugang man sini nga nagahulag ang White House agud masiguro ang American AI dominance.
Nahibaluan nga ginbaligya sang mga investors ang ila technology stocks sa bilog nga kalibutan bangud sa kabalaka sa pagtuhaw sang low-cost Chinese artificial intelligence model nga mangin threat sa market dominance sang U.S.-based AI leaders.
Wala naman ginsiling ni Leavitt nga may himuon nga tikang ang White House kun matapos na ang review.
Ginpahayag naman ni President Donald Trump nga ang Chinese app ang dapat mag-akot bilang pagpang-engganyo sa American companies kag ginsiling nga mayo man nga nakahimo ang mga kompaniya sa China sang mas barato kag madasig nga method sang artificial intelligence.
