Ginmanduan ni Senator Risa Hontiveros ang Department of Foreign Affairs (DFA) nga i-summon si Chinese Ambassador Huang Xilian bangud sa panibag-o na naman nga presensya sang dugang nga masobra 100 ka mga Chinese ships nga yara sa exclusive economic zone sang West Philippine Sea.
Suno kay Hontiveros, kinahanglan ipatawag liwat sang DFA ang Chinese Ambassador agud nga maka-istoryahanay.
Indi mahimo pahayag niya nga gina-abusar na lang sang China ang Pilipinas.
Nagalaum si Hontinveros nga magafile liwat ang ahensya sang dugang nga diplomatic protest.
Santu sa data analysis, tunga-tunga sang Mayo kag Hunyo 2021, ang numero sang mga barko sang China nga yara sa Union Banks ang nagtaas humalin sa siyam nga nangin 236 samtang ang numero sang mga barko nga yara malapit sa Gaven (Burgos) Reef sa Tizard Bank ang nagnubo humalin sa 234 nga nangin 71.
Dugang sang senador, nagapamatuod lamang ini nga determinado ang China sa pagpalala sang sitwasyon nga dapat kuntani masolbar ang tensyon.
Sa baylo nga maghalin sa teritoryo kag magsunod sa layi suno kay Hontiveros, mas nagdugang pa gid ang mga dalagko nga barko subong sang China sa West Philippine Sea.
Nagalaum ang senador nga bangud sa nangin lihok sang China, ma-alarma naman ang Malacañang.
