Nagapanawagan si Chinese Ambassador Huang Xilian sa Pilipinas kag China nga liwat mag-dialogo kag pamatian ang tingog sang mga pumuluyo nga pilion ang kooperasyon sa baylo nga mag-ilinaway.
Ini nga pahayg ni Huang ang kadungan sa pagselebrar sang ika-50 ka anibersaryo sang diplomatiko nga relasyon sang duha ka pungsod.
Nagtambong sa amo nga okasyon sanday President Ferdinand Marcos Jr., mga senador, business leaders, kag mga representante sang Filipino-Chinese community.
Apang, kadungan sang pahayag nagapabilin sagihapon ang tension sa West Philippine Sea (WPS), kun sa diin liwat nga ginasupak sang China ang eksklusibo nga economic zone (EEZ) sang Pilipinas kag ginabalewala ang 2016 arbitral ruling nga nagapabor sa pungsod.
Sa idalom sang administrasyon ni Pres. Marcos Jr., nagpakita sang mas mabakod nga pagdepensa sa soberanya sang Pilipinas, apisar nga padayon ang presensya sang mga barko sang China kag paggamit sang water cannons batok sa mga Pilipino nga manugpangisda.
Suno kay Huang, ang China kag Pilipinas ang close neighbors gid kag indi pwedi nga mabulag, sa diin nagalaum ini siya nga mas madamo pa nga mga Pilipino ang magaugyon agud kay-uhon ang relasyon sang duha ka pungsod.
