Nagpaguwa sang statement ang Chinese embassy nga nagatulod sa Pilipinas nga i-ban na ang Philippine Offshore Gaming Operators (POGOs) bangud sa seryoso nga mga krimen nga naangot diri kaangay sang kidnapping, human trafficking, kag murder.
Suno sa embahada, pareho nga mahalitan sang POGO ang imahe kag interes sang Pilipinas kag China amo man ang relasyon sang duha ka nasyon.
“Ample evidence shows that POGO breeds serious crimes such as kidnapping for ransom, human trafficking, and murder. POGO is detrimental to both Philippine and Chinese interests and images, as well as China-Philippines relations,” kabahin sang statement.
Ginsiling man sini nga committed ang gobyerno sang China nga proteksyunan ang lehitimo nga kinamatarong kag mga interes sang mga Chinese citizens.
“The Chinese government is committed to protecting the legitimate rights and interests of Chinese citizens. We appeal to the Philippines to ban POGO at an early date so as to root out this social ill,” dugang sa pahayag.
Ginsaad man sa statement nga wala ginatolerar sang Beijing ang anuman nga sahi sang sugal, kaangay na lang sang ginhimo anay sang Pilipinas kag China nga magkaupod nga nagkampanya batok sa iligal nga mga aktibidad sang nagligad.
“The Chinese government strictly cracks down on Chinese citizens engaging in gambling business abroad, including POGO… In recent years, the Chinese and Philippine law enforcement agencies have maintained close communication and cooperation and conducted multiple joint operations to bring down cross-border gambling and telecom fraud. Since 2018, nearly 3,000 Chinese citizens implicated in the cases have been repatriated with the joint efforts of both sides,” kasugpon sang statement.
Sang 2023, matandaan suno sa embahada nga ginbuligan sang Chinese government nga mapasirado ang lima ka Pogo hubs kag ma-repatriate ang malapit 1,000 nga Chinese citizens.
Ginpaguwa sang embahada ini nga statement kasunod sang raid sang otoridad sa POGO hub sa Porac, Pampanga sang nagligad nga semana kun sa diin nangin matunog ang panawagan sa Senate investigation.
Sa amo nga raid, masobra sa 150 ka foreigners ang na-rescue lakip na ang Chinese, Malaysian, Burmese, kag Vietnamese citizens. Pila sa naluwas ang ginpahayag nga torture kag kidnapping victims.
Sa amo man nga compound nakit-an ang gina-alegar torture rooms, mga ebidensya sa pagpang-scam, mga kasapatan, mga uniporme sang Chinese military nga ginsiling sang military experts nga daan na apang authentic, kag may outstanding badge man para sa Chinese military sergeant.
