Gintawag sang Chinese Embassy nga “bluffing again” ukon nagapakuno-kuno liwat si Senator JV Ejercito nga naggamit pa sang Mandarin agud pabalikon si Chinese Ambassador Jing Quan sa China.
May kaangtanan ini sa nangin pahayag ni Quan nga wala sang ibato ang Pilipinas kun pagagamitun sang China ang ila nga pwersa kasunod sang nagapadayun nga issue sang duha ka pungsod sa West Philippine Sea.
Suno sa embahada, nagapinadayaw lang ang senador agud makakuha sang atensyon kag mangin kaundan sang balita.
Dugang pa sang Chinese Embassy, tipikal nga political performance sang Filipino politician ang kahambugan nga ginpakita sang senador.
