Nakahanda ang Chinese government nga magtimalos batok sa Estados Unidos kag pila ka mga pulitiko bangud sa padayon nila nga pagbasol sa Beijing bangud sa halit nga gintuga sang Coronavirus pandemic.
Base sa naggwa nga mga impormasyon, nagpasaka na sang reklamo ang China Communist Party batok sa mga indibidwal nga nagpasaka sang kaso batok sa ila.
Lakip diri amo sanday Missouri Atty-General Eric Shcmitt, Arkansas, Senator Tom Cotton kag Texas Congressman Dan Crenshaw kag ang tanan nga mga Republicans.
Ini bangud sa pagduso nila sang hagna nga magatugot sa mga American citizens nga magpasaka sang kaso batok sa Chinese government bangud sa pandemic.
Suno sa isa aka opisyal sang China, gina imbestigahan na nila ang mga pulitiko nga nagatuyo nga gub-on ang maayo nga pag updanay sang Beijing kag America.
